Vyama Vya Kitume

UONGOZI

Huu ni Utume wa Kwaya Katoliki Tanzania ambao una malengo makuu mawili
1. Kutukuzwa kwa Mungu
2. Kutakatifuzwa kwa wanachama wenyewe
Salaam ya UKWAKATA ni: Tumwimbie Bwana-Katika Roho na Kweli (Yoh 4:23)
Utume huu una jukumu kuu la Uinjilishaji kwa njia ya kuimba.
Katika Parokia ya Utatu Mtakatifu-Changanyikeni,UKWAKATA inaundwa na Kwaya Mbili
1. Kwaya ya Utatu Mtakatifu
2. Kwaya ya Mt.Karoli Lwanga
Kwasasa Kuna jumla ya wanachama 70 kutoka Kwaya zote Mbili.
Mlezi wa UKWAKATA ngazi ya Parokia ni Baba Paroko.
Sikukuu ya Ukwakata Kitaifa hufanyika tarehe 22 Novemba ya kila mwaka ambayo ni siku ya Mt.Sesilia.
Mikakati ya UKWAKATA
1. Kuwa na Sherehe ya UKWAKATA kila mwaka yenye lengo la kujenga mahusiano mema kati
ya kwaya zetu na Kupokelewa rasmi kwa wana Ukwakata Wapya.
2. Kuwa na Semina maalum kuhusu uimbaji zitakazo wawezesha wanakwaya kuutambua
vyema wito huu wa uimbaji
3. Kuwa na Hija za kuwaimarisha wana Ukwakata Kiimani
4. Kurekodi Nyimbo na kuzisambaza ndani na nje ya Parokia
5. Kuinjilisha ndani na nje ya Parokia ili kujenga mahusiano mazuri na Parokia nyingine
6. Kuendeleza darasa la muziki ili kuongeza idadi ya wataalam wa muziki Mtakatifu
7. Kuwa Tamasha kubwa la Kwaya kwaajili ya kuboresha uimbaji wetu.

UONGOZI

Chama cha Moyo ❤️ Mtakatifu wa Yesu ni ushirika wa waumi wote kuanzia watoto waliokwisha kupokea Sakramenti ya Ekaristi Takatifu yaani komunyo ya kwanza hadi wazee. Ushirika wa Moyo Mtakatifu wa Yesu ndiyo uhai wa kanisa Katoliki. Hapa Parokiani kwetu kilianzishwa mwaka Novemba 2020. mpaka sasa tunao wanachama 29 walio hai.

Lengo kubwa la ushirika huu ni kuungana pamoja katika kumwabudu, kumshukuru, kumtolea sifa na kumwomba Mungu kwa njia ya sala zetu kupitia Moyo huu.

Ratiba ya Ushirika wetu ni kama ifuatavyo:-
1. Kuabudu Ekaristi Takatifu kila alhamisi.
2. Kusali pamoja kila ijumaa ya kwanza ya mwezi kwa heshima ya Moyo Mtakatifu wa Yesu na ijumaa nyingine za wiki.
3. Kusali kwa heshima ya Moyo safi wa mama Bikira Maria kila jumamosi ya kwanza ya mwezi.
3. Kufanya mkutano kila jumapili ya kwanza ya mwezi.
4. Kufanya HIJA, matendo ya Huruma kulingana na kalenda ya Jimbo na ya tawi husika.

Matarajio yetu ni kutaka kila mmoja wetu katika Parokia na mahali popote wamjue, wampende, wamtumikie Mungu na mwisho wote tupate kuiona mbingu.

UONGOZI

Mt Rita ni Chama Cha Kitume cha Kumuenzi Mt Rita. Kwa Sala,Maombi na Novena Zake. Pia Ni Chama Kinachohusika na Kufanya Hija Manbalimbali ambazo Huwa zinafamyika Katika  Kituo cha Maria Rita Huko Mwanza. Pia Kufanya Matendo ya Huruma Kwa Wahitaji. Kilianzishwa Rasmi Tarehe 21 october 2023
Kwa Wanachama Kufanya Mafungo na Fr Mlezi wa Chama cha Mt Rita wa Jimbo la Dar es Salaam Fr Mgani. Na Wanachama 10 walipokelewa Rasmi katika Chama Hicho
Jumapili 22 October 2023 Katika Misa Takatifu Parokiani. Na Novena Zetu Kila Jumatatu ya Kwanza ya Kila Mwezi.

Tuliweka malengo ndani ya mwaka huu ambayo machache kati ya mengi tuliojiwekea tuliyafanikisha kama..

1.Darasa la malezi na makuzi ya kiroho.
2. Semina ya ndoa na familia ambayo bado inaendelea
3. Fellowship ya dekania kufanyikia kwetu..
4. Fellowship yetu ya kila juma pili

Malengo ni kuutafuta ufalme wa mungu kupitia karama au vipawa mbalimbali alivyotujalia mungu. Tuna malengo malengo ya kuendelea kuandaa semina mbalimbali kama

1. semina ya vijana
2. semina ya uwaka vile vile semina ya wawata..

Ni jumapili jioni saa kumi..Muda wa kukutana kwa ajili ya fellowship..(Sala zetu)Ni chama kitume au cha uamsho.

UONGOZI

Shirika la Wazee na Wastaafu la Mt. Augustino ni Chama cha Kitume kwa ajili ya wanaume na wanawake Wakatoliki Tanzania wenye umri wa kuanzia miaka 50 na kuendelea.

Hapa Tanzania lilianzishwa rasmi mwaka 1988 katika Parokia ya Kilema, Jimbo la Moshi. Katika Jimbo la Dar es Salaam utume ulianza mwaka 2003 katika Parokia 12 tu, sasa umeenea katika Parokia zaidi ya 145.

Katika Parokia ya Utatu Mtakatifu, Changanyikeni utume ulianza rasmi tarehe 12 Septemba, 2021 na hadi sasa kuna wanachama zaidi 128.

Majukumu ya Shirika la Wazee na Wastaafu Wakatoliki Tanzania (SWWWT)

Kwa mujibu wa Katiba la SWWWT, majukumu yake yameainishwa katika madhumuni tisa (9), ambayo ni:
1. Kuunganisha WWWT wa jinsi zote katika ngazi mbalimbali kuanzia Jumuiya Ndogo Ndogo za Katoliki(JNNK) hadi Taifa;
2. Kuwawezesha Wazee na Wastaafu kuishi maisha ya sala, ibada pamoja na kusoma na kutafakari neno la Mungu kwa lengo la kufikia utakatifu;
3. Wazee na Wastaafu wa Mt. Agustino watakuwa na siku ya moja ya sala kila wiki na Jumapili moja kila mwezi kulingana na utaratibu wa Shirika;
4. Kueneza habari njema miongoni mwa, katika shuke, JNNKna katika jamii nzima;
5. Kushauri na kusaoxi katika kukuza nidhamu na maadili ya wawtot, vijana na watu wazima katika nyanja mbalimbali;
6. Kuwawezesha Wazee na Wastaafu kuwa Saudi moja na hivyo watambuliwe na kanisa
7. Kubuni hali mbalimbali za kuwainua hali ya maisha ya wazee na wastaafu katika jamii:
8. Kuweka mipango na utaratibu wa kuhudumia washirika kama kundi wanapokabiliwa na matatizo; na
9. Kuwa na chombo cha kukuza na kudumisha uhusiano na ushirikiano wa wazee na wastaafu Wakatoliki katika mataifa mbalimbali.

Katika kutekeleza madhumuni hayo, katika Parokia ya Utatu Mtakatifu, wazee na wastaafu wanafanya yafuatayo:

(i) kila wiki siku ya Alhamisi saa 10 jioni wanachama wanapata fursa ya kusali na kulitafakari neno la Mungu kulingana na Mwongozo ulitolewa ni kutoka Agano la Kale na Agano Jipya;
(ii) kila Jumapili ya pili ya mwezi kuanzia saa 4.30 asubuhi baada ya misa ya pili wanachama hukutana kujadili masula mbalimbali kuhusu imani, kiuchumi na kijamii;
(iii) kufanya matendo ya huruma kwa kutembelea wagonjwa na wafiwa; na
(iv) kushirikiana na vyama vingine katika Parokia kuliimarisha Parokia yetu.

UONGOZI